Liber Judicum*
Caput 14: Versus 5
Descendit itaque Samson,etc.[ISID., in Jud. tom. 5, cap. 8.]Samson cum ad alienigenas tenderet causa petendae uxoris, leonem occidit: et Christus Ecclesiam vocaturus de gentibus diabolum vicit qui ait:Gaudete quia ego vici mundum[Joan. 16.]. Ex ore leonis occisi favus extrahitur, quia ut conspicimus reges terreni regni, qui contra Christum ante fremuerunt, jam perempta feritate dulcedinem Evangelii praedicant, et munimenta praebent.